Kommunen deler ut to kulturstipend, kvart på 20 000 kroner.
Følg NyttiOs.no på Facebook og få nyhetsoppdateringer!
Er du mellom 16 og 29 år og folkeregistrert i Bjørnafjorden kommune? Då kan du søke kulturstipend.
– Kommunen deler ut to kulturstipend, kvart på 20 000 kroner. Stipenda skal stimulere og inspirere til kreativitet, talentutvikling og kulturelt mangfald på heile kultur- og idrettsfeltet i Bjørnafjorden.
Søknadsfristen er 1. april.
Her finn du søknadsskjema og meir info!
Søkar må grunngje godt korleis stipendet kan bidra til å utvikle talent og evner på feltet. Stipend skal ikkje gå til å dekke kostnader med formell utdanning, men kan gå til opplæring og kompetanseheving.
Kommunestyret har vedteke eigne vedtekter for kulturstipenda. Sentrale punkt er:
- Søkar må vera folkeregistrert busett i Bjørnafjorden kommune
- Det kan søkast frå det året søkar fyller 16 år og til og med 29 år
- Søknad skal vera personleg, det kan ikkje søkast for andre
- Søkar kan berre få tildelt stipend ein gang
- Søkar må i søknad fortelja kva stipendet skal nyttast til
- Søkar må grunngje korleis stipendet kan bidra til å utvikla talent og evner på feltet
- Søknadane blir behandla politisk i Tenesteutvalet etter innstilling frå adminstrasjonen
- Ordførar står for sjølve utdelinga, ved eit passande høve