I to dagar skal elevane få inspirasjon av dei London-baserte arkitektane i Knitknot.
Jan Petter Svendal NyttiOs.no på Facebook
Sommaren 2018 poppa ein popup-park opp på parkeringsplassen ved Os gjestehamn.
Dette var første fase i popupOs, som no skal i gang med fase to.
Os kommune starta popupOs, blant anna for å få meir kunnskap om korleis ungdom brukar Os sentrum, og korleis sentrum kan bli meir attraktivt for ungdom.
Kommande fredag og måndag vil fase to av popupOs ta til i Vognhallen.
Då kjem dei London-baserte arkitektane i Knitknot til Vognhallen for å halde workshop saman med 38 elevar og lærarar frå Os vidaregåande skule og Fusa vidaregåande skule, pluss representantar frå kultureininga, planavdelinga, SLT-koordinator i Os kommune og prosjektleiar Eva Korsøen frå Kvalbein Korsøen arkitektur.
Saman skal desse lage idear og innhald til ein installasjon i Os gjestehamn, som seinare skal realiserast.
Målet er at elevar frå bygg- og anleggsteknikklinja ved Os vidaregåande skule og elevar frå kunst, design og arkitektur ved Fusa vidaregåande skule bygger installasjonen i samarbeid med Teknisk drift i Os kommune.