Kulturmidlar er tilskot til dagleg drift av eit lag eller organisasjon.
– Målet med ordninga er å stimulere til aktivitet innan kulturområdet. Tilskot blir gitt for eitt år om gongen og følger kalenderår, melder Bjørnafjorden kommune.
Kommunen kan gi tilskot til drift innan desse områda:
- Idrett og friluftsliv (idrettslag, skyttarlag, friluftsorganisasjonar mm)
- Kunstnarleg utfalding (musikk, biletkunst, dans, handverk mm)
- Generelt kulturarbeid (lokalhistorie, sosialt arbeid, fritid mm)
Vilkår for søknaden
- Frivillige lag og organisasjonar som er opne og ideelle kan søke om kulturmidlar.
- Eit lag eller ei foreining kan berre sende ein søknad.
- Barn og unge opp til 20 år og grupper som treng særleg tilrettelegging, blir prioriterte, men lag og organisasjonar med andre målgrupper kan òg søke.
- I søknad skal det framgå medlemstal og aktivitet i laget retta mot dei prioriterte målgruppene.
- Utmåling av tilskot er basert på medlemstal. Beløpsstorleik må vere tilpassa søknadsmasse og budsjettramme, og kan endra seg frå år til år.
- For å kunna søka må organisasjonen levera årsmelding og rekneskap godkjend av siste årsmøte, som vedlegg til søknad.
- Laga må vera registrert i Brønnøysund Frivilligregisteret