Talar, kransenedlegging, song, musikk og vetrerantreff i Kløvetun.
Følg NyttiOs.no på Facebook og få oppdateringer i din feed.
Tradisjonen tru blir den nasjonale frigjerings- og veterandagen markert med arrangement i Minneparken på Osøyro 8. mai frå kl. 11.00.
Hovudtalar Bjørn Arne Braathen er leiar for Norges Veteranforbund for Internasjonale Operasjoner, avdeling Bergen og omland (NVIO). Han har hatt deler av oppveksten i Eikelandsosen, og er i dag busett på Søfteland.
Ordførar Trine Lindborg ønsker velkomen, og speidarar frå Os KFUK-KFUM er med ved kransenedlegging på gravminne frå 2. verdskrig. Andre medverkande i programmet er Aksel Henning Holdhus (trompet) og Grethe Cirashrii Just-Olsen (song). Tredje klasse ved Os barneskule bidrar med korsong.
Veterantreff
Etter markeringa i Minneparken er det veterantreff i Kløvertun frå kl. 12.00.
– Der blir det informasjon om ny veteranplan og veteranarbeidet i Bjørnafjorden og Bergen og omland. Sosialt samvær og enkel servering. Alle er hjarteleg velkomne både i Minneparken og på veterantreffet etterpå, melder Bjørnafjorden kommune.
Arrangør er Bjørnafjorden kommune i samarbeid med NVIO.
Program i Ulven leir
Same dag har Forsvaret markeringar ved minnesmerke i Ulven leir. Der er det korte appellar og kransenedlegging frå kl 14.